Беларускі акцёр зняўся ў фільме брытанскага рэжысёра Джонатана Глейзера
Кадр з фільма / The Zone of Interest
Беларускі акцёр Андрэй Ісаеў зняўся драме "Зона інтарэсаў", якая атрымала чатыры ўзнагароды ў Канах. Пра гэта паведамляе тг-канал "Святы Белавуд".
Фільм брытанскага рэжысёра Джонатана Глейзера распавядае пра каменданта Асвенцыма Рудольфа Хёса. У фільме Ісаееў зняўся ў ролі садоўніка Бронека.
Сам акцёр з Брэста. Ён эмігрыраваў у Польшчу пасля 2020 года, дзе займаецца творчасцю: малюе і грае ў кіно.
Джонатан Глейзер — брытанскі рэжысёр і кліпмэйкер. Ён зняў чатыры поўнаметражныя фільмы і мноства кліпаў для Radiohead, Massive Attack, Jamiroquai, Blur, UNKLE.
