Беларускія добраахвотнікі сустрэнуцца ў Кіеве з Зянонам Пазняком
Зянон Пазняк ва Украіне / t.me/belaruscentrlviv
Беларускія добраахвотнікі сустрэнуцца ў Кіеве з Зянонам Пазняком. Пра гэта Радыё Свабода распавёў намеснік камандзіра палка Каліноўскага Вадзім Кабанчук ("Ігар").
"[Сустрэча] безумоўна, будзе, — кажа ён. — Абыйсці ўвагай такую гістарычную постаць мы не можам. Большасць хлопцаў вельмі хоча пазнаёміцца і паслухаць. Для нас гэта падзея".
Лідар КХП-БНФ, кіраўнік ініцыятывы "Вольная Беларусь" ужо некалькі дзён знаходзіцца ва Украіне. У Львове на Лычакоўскіх могілках ён удзельнічаў ва ўшанаванні памяці ўдзельнікаў паўстання Кастуся Каліноўскага. Прэс-служба палка Каліноўскага піша, што на 25 студзеня ў Кіеве запланавана сустрэча Пазняка з беларусамі і ўкраінцамі.
