Беларускія гандбалісты заваявалі пуцёўку на чэмпіянат Еўропы (відэа)
У апошнім матчы адборачнага турніра ў Любляне каманда Юрыя Шаўцова ў цяжкім матчы выйграла ў Славеніі — 35:33 (18:17).
Беларусаў для заваявання пуцёўкі на кантынентальны турнір у Даніі задавольвала нічыя (першую пуцёўку датэрмінова атрымалі ісландцы), славенцам патрэбна была толькі перамога. Доўгі час гульня ішла мяч у мяч і толькі на фінішы зборная Беларусі вырвала перамогу.
Сапраўдным героем матча стаў Барыс Пухоўскі, на рахунку якога 10 галоў. Пасля траўмы выйшаў на пляцоўку лідар зборнай Сяргей Рутэнка, у яго 5 галоў. Выдатна гулялі нашыя брамнікі Казімір Катлінскі і Віталь Чарапенька.
Чэмпіянат Еўропы пройдзе ў пачатку 2014 года.
Фота — sport-tv.si
