Беларускія сіноптыкі абяцаюць камфортнае надвор’е на выхадныя дні

У пятніцу, 6 красавіка, амаль па ўсёй Беларусі пройдуць кароткачасовыя ападкі. У начныя гадзіны чакаецца ад +4 да +10 градусаў, удзень — ад +10 да +16, у Гомельскай вобласці — да 20 градусаў цяпла.

У выхадныя дні ў нашай краіне чакаецца камфортнае без ападкаў надвор’е, інфармуе БЕЛТА. У начныя гадзіны прагназуецца ад -2 да +3 градусаў. У дзённыя гадзіны ў суботу тэмпература паветра складзе 10-15 цяпла, на Брэстчыне — да +17, у нядзелю — ад +13 на Віцебшчыне да +20 на паўднёвым захадзе. У панядзелак, 9 красавіка, таксама будзе пераважна без ападкаў. Уначы чакаецца ад +1 да +8 градусаў, удзень — 15-22 градуса вышэй за нуль.