Беларускія вайскоўцы вучацца будаваць бліндажы
Беларускі вайсковец у бліндажы / t.me/zapadny_rubesz/
Беларускія вайскоўцы вучацца будаваць бліндажы і абсталёўваць іх для пражывання. Займаюцца гэтым "у рамках палявых выхадаў" падраздзяленні Заходняга аператыўнага камандавання. Верагодна, каля мяжы з Літвой.
Падобныя бліндажы выкарыстоўваюць на фронце ўкраінскія і расійскія вайскоўцы. Беларускія прапагандысты падкрэсліваюць, што беларускае войска вывучае вопыт вайны ва Украіне. А ён нібыта даказвае, што "дадзеныя збудаванні забяспечваюць вайскоўцам камфортныя і бяспечныя ўмовы пражывання ў раёнах выканання баявых задач".
2 красавіка ў Гродне Аляксандр Лукашэнка заявіў, што рыхтуе Беларусь да вайны. Гэтыя яго словы трапілі ў сусветныя СМІ.
