Лічба дня: Беларусы купілі ў Польшчы тавараў на 1 млрд злотых
Такую суму пакінулі пакупнікі з нашай краіны за 2014 год.
Мытная служба Падляшскага рэгіёну падвяла вынікі працы за 2014 год, инфармуе сайт polsha24.com. Як паведаміў кіраўнік і дырэктар Мытнай Палаты ў Беластоку Міраслаў Сянкевіч, толькі на падставе дакументаў TaxFree атрымоўваецца, што грамадзяне Беларусі пакінулі ў Польшчы 1 млрд злотых. Агулам, па звестках падляшскіх мытнікаў, было зарэгістравана больш за 1 230 000 дакументаў TaxFree.
Сянкевіч дадаў, што ў параўнанні з 2013 годам колькасць турыстаў з Беларусі знізілася на 3%.
Фота — polsha24.com
