Беларусы запусцілі сэрвіс псіхалагічнай дапамогі для ахвяраў вайны ва Украіне
Беларусы запусцілі анлайн-сэрвіс псіхалагічнай дапамогі для ахвяраў вайны ва Украіне. У якой бы краіне яны цяпер ні знаходзіліся.
WEMAYHELP 2.0 гэта платформа ўзнаўлення ментальнага здароўя. Спецыялісты з Беларусі і ўсяго свету дапамогуць перамагчы трывогу, перажыць траўмуючы досвед і знайсці адказ на пытанне: "Што рабіць далей?".
"Наша місія — дапамагчы вырашыць праблемы ментальнага здароўя пацярпелым ад вайны, аб'яднаўшы ўсе дасяжныя метады, — распавядаюць стваральнікі платформы. — Мы не дзелім людзей па паходжанні пашпарта — дапамогу атрымае той, хто мае патрэбу. Мы верым, што галоўная добрая якасць чалавека — гуманнасць і жаданне дапамагаць іншым".
