Беларусы завалілі бранскія рынкі забароненымі польскімі памідорамі
На аптовым рынку гэтага горада камерсанты разгружаюць вялізныя фуры з нібыта забароненымі да ўвозу польскімі памідорамі ды іншай гароднінай.
Дастаўляюць іх сюды беларускія пасярэднікі, піша газета "Брянские новости". На думку расійскіх журналістаў, беларусы ўключыліся ў схему кантрабандных паставак польскіх тавараў.
Як кажуць журналісты, ніхто ўжо не хавае, што беларускія і польскія пастаўшчыкі дзейнічаюць сумесна. Польскімі памідорамі, пастаўленымі праз Беларусь, заваленыя ўсе рынкі Бранска, а частка тавару ідзе ў іншыя гарады.
Нагадаем, што Расія забараніла ўвоз прадуктаў з краін Еўрасаюза, ЗША ды некаторых іншых дзяржаваў.
Фота — lugafon.com
