Belavia павялічвае колькасць рэйсаў у Калінінград
У Нацыянальным аэрапорце "Мінск" / @belavia_official
З 9 жніўня Belavia павялічвае колькасць рэйсаў на Калінінград — з 4 да 6 разоў у тыдзень. Цяпер самалёты авіякампаніі выконваюць палёты ў гэты балтыйскі горад па панядзелках, серадах, пятніцах, нядзелях. З 9 жніўня дададуцца рэйсы па аўторках і чацвяргах. Кошт квіткоў у адзін бок — ад 101 еўра.
Вылет з Мінска паводле раскладу — у 12.25, час у дарозе складае больш за дзве з паловай гадзіны. Вылет з Калінінграда запланаваны на 14.55. Такі працяглы час у дарозе звязаны з неабходнасцю аблятаць краіны Балтыі, якія пасля інцыдэнту з самалётам Ryanair у Мінску забаранілі беларускім кампаніям лётаць у сваёй паветранай прасторы.
Праз "паветраную блакаду" ў беларусаў засталося не так шмат варыянтаў, як дабрацца да мора гэтым летам. Акрамя таго, палёты на курорты Турцыі і Егіпта істотна павялічыліся па часе і падаражэлі. Гэта адбылося праз неабходнасць аблятаць тэрыторыю, закрытую для цывільных судоў на фоне вайны ва Украіне.
