"Белавія" не зможа карыстацца двума міжнароднымі сістэмамі разлікаў
Міжнародная асацыяцыя паветранага транспарту (IATA) адключыла "Белавія" ад двух сваіх тэхнічных структур — сістэмаў BSP і CASS.
Сістэма ўзаемаразлікаў BSP уніфікуе фінансавыя і інфармацыйныя плыні, у выніку чаго спрашчаецца працэдура афармлення і продажу авіябілетаў як самімі авіякампаніямі, так і агентамі. Сістэма разлікаў для грузавых авіяперавозак CASS праводзіць разлікі паміж авіякампаніямі і экспедытарамі.
Як паведамляла Еўрарадыё, на мінулым тыдні беларускі авіяперавозчык "Белавія" трапіў пад санкцыі ЕС.
