Больш за 580 спробаў пераходу мяжы прадухілілі за дзень польскія памежнікі
Польскі памежнік на дзяжурстве / twitter.com/Straz_Graniczna
У панядзелак, 25 кастрычніка, польскія памежнікі спынілі 582 спробы нелегалаў трапіць у краіну з Беларусі, паведамляе Памежная служба краіны. У нядзелю такіх спробаў было 508.
Затрыманыя 9 мігрантаў, у ліку якіх грамадзяне Таджыкістана, Ірака і Самалі.
З пачатку кастрычніка мігранты зрабілі амаль 14 тысяч спробаў нелегальна перасекчы мяжу Польшчы з Беларуссю.
Як паведамляла Еўрарадыё, Польшча павялічыла да 10 тысяч колькасць вайскоўцаў, якія дапамагаюць памежнікам ахоўваць мяжу з Беларуссю.
