Брэсцкія гандбалісты з лікам 34:28 абыгралі чарнагорскі "Лоўчын" (фота)
Гульня ў межах SEHA-лігі адбылася ў 8 лютага ў Брэсце.
Брэсцкі гандбольны клуб імя Мяшкова другі раз у сезоне выйграў у чарнагорскай каманды. Першы матч паміж камандамі адбыўся 13 снежня мінулага года ў чарнагорскім горадзе Цетынье. Тады брэстаўчане выйгралі з лікам 30:24.
У наступным матчы турніру 18 лютага БГК згуляюць на хатняй пляцоўцы Палаца спорту "Вікторыя" з македонскім "Металургам". Вясной ў Сербіі чатыры лепшыя каманды выступяць у "Фінале чатырох".
SEHA-ліга — рэгіянальнае гандбольнае спаборніцтва клюбаў Паўднёвай і Усходняй Еўропы. У сезоне 2013/2014 года апроч Беларусі і Чарнагорыі таксама прымаюць удзел клубы з Македоніі, Босніі і Герцагавіны, Сербіі, Славакіі і Харватыі.
