Чаму беларуская апазіцыя ўдзельнічае ў парламенцкіх выбарах і які вынік
Гэтыя пытанні сталі прадметам дыскусіі ў межах сумеснага праекта ePramova і Еўрарадыё з удзелам кіраўніка выбарчага штаба кампаніі "Гавары праўду" Сяргея Вазняка, экс-кандыдата ў прэзідэнты, лідара незарэгістраванай Беларускай сацыял-дэмакратычнай партыі "Народная грамада" Мікалая Статкевіча і першага намесніка старшыні руху "За свабоду", прадстаўнікамі правацэнтрысцкай кааліцыі Юрася Губарэвіча. Мадэратарам дыскусіі выступіў журналіст Паўлюк Быкоўскі.
Цяпер ёсць кансенсус сярод большасці апанентаў кіруючага рэжыму, што ў выбарчай кампаніі варта ўдзельнічаць, і ў той жа час усе яны ў адзін голас кажуць, што выбараў у краіне няма, што галасы справядліва не падлічваюць. У чым жа прычына удзелу ў выбарах?
