ЧБ па футболе: “Белшына” саступіла “Мінску” (відэа)
25 кастрычніка распачаўся 28-мы тур чэмпіянату Беларусі па футболе сярод каманд вышэйшай лігі.
Сёння гулялі каманды з ніжняй паловы турнірнай табліцы. “Белшына” прымала на сваім полі “Мінск” і саступіла — 1:2. Адметна, што адзін мяч на рахунку гаспадароў выявіўся аўтаголам гасцей.
Брэсцкае “Дынама” прымала “Слуцк” і саступіла з лікам 0:2.
У нядзелю, 26 кастрычніка, аўтсайдэр “Дняпро” згуляе з “Нёманам”, а “Гомель” прыме “Нафтан” — прэтэндэнта на медалі сёлетняга першынства. Скончыцца тур у панядзелак: “Шахцёр” згуляе з мінскім “Дынама”, а ў Жодзіне пройдзе дэрбі — “Тарпеда-БелАЗ” — БАТЭ.
