Чым скончыцца бітва за ўраджай?

Праз спякотнае надвор’е ў Еўропе чакаецца вялікі недабор збожжа. У Беларусі ўраджай таксама пацярпеў, хаця Аляксандр Лукашэнка і заявіў, што “нас яшчэ Гасподзь пашкадаваў”. А каб не закупляць “хлябы”, кіраўнік Беларусі традыцыйна патрабуе “максімум напружання для таго, каб сабраць да зярнятка тое, што мы сёння выгадавалі, і кукурузу”.

Што недабор “хлябоў” азначае для нашай краіны і як ён адаб’ецца на коштах на мяса і малако? Ці будзе Беларусь закупляць больш збожжа за мяжой і чаго нам гэта будзе каштаваць? І ці сапраўды Гасподзь пашкадаваў беларусаў?

Усё гэта абмяркоўваем у жывым эфіры з Аляксеем Жукавым, экспертам па сельскай гаспадарцы і колішнім галоўным рэдактарам часопіса “Беларуская сельская гаспадарка”.