Чыноўнік распавёў, па якім паказчыку Беларусь абагнала Нямеччыну
Інтэрнэт у Беларусі стаў хутчэйшым. "Белтэлекам" на 20% павялічыў хуткасць знешняга інтэрнэт-шлюза — да 540 гігабіт.
Спецыялісты кажуць, што гэта можа вывесці беларускі інтэрнэт абсалютна на новы ўзровень. Вось што адзначыў у каментары тэлеканалу "Беларусь 1" Дзмітрый Шадко, першы намеснік міністра сувязі і інфарматызацыі:
"Гэта значыць, што мы за адну секунду можам спажыць усёй краінай інфармацыю на 540 Гбіт. Гэта вельмі вялікая лічба. Беларусь ужо некалькі гадоў назад абагнала па гэтым паказчыку такую краіну, як Нямеччына. Але яе нельга трансфармаваць проста ў хуткасць кожнага індывідуальнага чалавека, таму што тут трохі іншы тэхналагічны працэс".
У "Белтэлекаме" запэўніваюць, што 540 Гбіт — гэта ўсяго толькі выдатны пачатак. Неўзабаве хуткасць знешняга шлюза можа дайсці да тэрабіта.
Фота — Fotolia
