Да канца года па-беларуску будуць агучаныя 10 замежных фільмаў і 1 серыял
10 фільмаў і 1 серыял плануецца агучыць па-беларуску да канца гэтага года ў рамках праекта CINEVOKA на канале voka.tv. Пра гэта паведаміў у сацсетках грамадскі актывіст Антон Матолька.
Ён прапанаваў угадаць, якія фільмы атрымаюць беларускую агучку. Спіс абнародаваны ў дадатку.
Матолька прапанаваў таксама адзначыць галачкай у спісе тыя фільмы, якія гледачы хацелі б паглядзець з беларускамоўнай агучкай. Фільмы дзеляцца па рубрыках: "Драма", "Баявік", "Крымінал", "Анімацыя", "Вестэрн", "Дэтэктыў", "Дакументальны", "Містыка", "Музычны", "Сямейны", "Анімэ", "Камедыя", "Меладрама" ды інш.
