Дачку іспанскага караля аштрафавалі за кіраванне трактарам без дакументаў

Інцыдэнт са штрафам адбыўся ў горадзе Вальядалід на паўночным захадзе краіны. Там паліцыя спыніла трактар і вырашыла праверыць дакументы ў кіроўцы. Патрэбных папер у яго не апынулася. Таму адзін з паліцыянтаў запісаў звесткі кіроўцы — у прыватнасці, нумар пасведчання, які складаецца з васьмі лічбаў і адной літары. Аднак калега яго спыніў і паведаміў, што запісаць можна толькі рэгістрацыйны нумар самай машыны.

Тым не менш, у штрафной квітанцыі ўсё ж апынуліся першыя дзве лічбы нумара кіроўцы — 1 і 2, адзначае lenta.ru. Менавіта ўладальніку пасведчання з нумарам 12 і быў накіраваны штраф. Уладальнікам дакумента з такім нумарам апынулася інфанта Алена.

Рэч у тым, што нумары пасведчанняў чальцоў каралеўскай сям'і Іспаніі складаюцца толькі з дзвюх лічбаў. Напрыклад, каралю Хуану Карласу выдадзены дакумент з нумарам 10, а прынцу Філіпу — з нумарам 15. Нумар 13 не выкарыстоўвае ніхто.

Штраф за кіраванне трактарам без дакументаў складзе ад 601 да 3005 еўра. Іспанская каралеўская сям'я не пракаментавала інцыдэнт.

Фота —  AFP