Данкверт адрэагаваў на "Танкверт" — Расія праверыць 36 беларускіх кампаній

Напярэдадні кіраўнік кампаніі "Танкверт" Юрый Васкрасенскі заявіў, што яго фірма зменіць назву (яна існуе са жніўня 2018 года і займаецца аптовым продажам малочнай прадукцыі). У каментары TUT.by ён назваў старую назву "супадзеннем". Па словах Васкрасенскага, прадукцыю, якую Расія забараніла для паставак, кампанія возіць у Казахстан з перагрузкай у Маскве. Далей яе вязуць расійскія перавозчыкі. Гэтыя словы кіраўніка беларускай кампаніі і сталі падставай для звароту Рассельгаснагляду ў Федэральную падатковую службу з просьбай правесці праверку ў дачыненні 36 беларускіх кампаній-пасярэднікаў. Сцвярджаецца, што яны здзяйсняюць незаконныя пастаўкі беларускай прадукцыі ў Расійскую Федэрацыю і прыкрываюцца схемай "фальшывага транзіту" у Казахстан і Кыргызстан.

Таксама Рассельгаснагляд збіраецца правесці ўласнае расследаванне "усяго ланцужка перасоўвання беларускай прадукцыі". І ўжо па яго выніках будзе прынятае рашэнне.