Дашкевіч, Лаўрухін і Мінец вызваленыя
Зміцер Дашкевіч, Ягор Лаўрухін і Валерый Мінец (кіроўца грузавіка) вызваленыя з міліцыі. Крыжы, якія яны везлі ў Курапаты, ім не вярнулі. Пра гэта на сваёй старонцы ў Facebook напісала Наста Дашкевіч, жонка Змітра. Адміністрацыйны пратакол быў складзены па артыкуле "Парушэнне правіл гандлю і аказання паслуг насельніцтву" (арт. 12.17). Па ім прадугледжаны штраф да дзесяці базавых велічынь (да 245 рублёў).
