Дажджы, навальніцы, да +28 градусаў. Прагноз надвор'я на 9 чэрвеня
Природа в Беларуси / Еўрарадыё
У нядзелю, 9 чэрвеня, у Беларусі чакаюцца дажджы і навальніцы. Неба будзе воблачным з самай раніцы.
На паўднёвым захадзе краіны дажджы пачнуцца ўжо ўночы. Раніцай і ўдзень яны працягнуцца на большай частцы Беларусі. У асобных раёнах прагрымяць навальніцы.
Тэмпература паветра ўночы — ад 7 да 14 градусаў цяпла. Удзень паветра прагрэецца да +19...+26 градусаў, а па паўднёвым усходзе — да плюс 28 градусаў. Такі прагноз даюць у Рэспубліканскім цэнтры па гідраметэаралогіі, кантролі радыяактыўнага забруджвання і маніторынгу навакольнага асяроддзя Мінпрыроды.
У Мінску 9 чэрвеня будзе пахмурна. Уночы тэмпература паветра ў горадзе будзе вагацца ад +7°C да +9°C. Удзень пацяплее да +18...+20 градусаў. Пасля поўдня прагназуюцца кароткачасовыя дажджы і навальніцы.
