Для прыкрыцця танкаў каля мяжы з Украінай разгарнулі ракетны комплекс "Тунгуска"
Зенітна-гарматны ракетны комплекс "Тунгуска" / t.me/modmilby/
БЕЛТА апублікавала рэпартаж пра падраздзяленні беларускага войска, перакінутыя да мяжы з Украінай. Адно з іх — танкавае. Для танкаў Т-72Б пабудавалі сховішчы, для экіпажаў — бліндажы. Адзначаецца, што на мяжу адправілі пераважна вопытных танкістаў, якія ўмеюць не толькі "правільна маскіраваць танкі, а таксама капаць акопы".
Для прыкрыцця танкавага падраздзялення непадалёк разгарнулі зенітна-гарматны ракетны комплекс "Тунгуска", які разлічаны на нізкалятучыя паветраныя, наземныя і водныя цэлі.
