Два пінскія Telegram-чаты прызнаныя экстрэмісцкімі
Суд Пінскага раёна і горада Пінска прызнаў экстрэмісцкімі Telegram-чаты "Пінск для жыцця ЧАТ" і "Пінск 97%", паведамляе прэс-служба Генпракуратуры.
Пінская пракуратура традыцыйна знайшла ў іх заклікі да экстрэмісцкай дзейнасці, гвалту супраць сілавікоў, каментары з абразамі і пагрозамі на іх адрас "ды іншыя радыкальныя паведамленні, якія распальваюць варожасць і варажнечу па палітычных і ідэалагічных матывах".
