Двух беларусаў, затрыманых у Познані, падазраюць у шпіянажы

Польскія спецслужбы затрымалі двух грамадзян Беларусі, якіх падазраюць у шпіянажы. Як піша "Выборча", расследаваннем займаецца вайсковая пракуратура.

Па словах следчых, затрыманыя беларусы займаліся разведкай вайсковых аб'ектаў і грамадзянскіх асоб, якія маюць вырашальнае значэнне для абараназдольнасці Польшчы. Шпіянажам яны займаліся на карысць Беларусі.

Па хадайніцтве пракуратуры суд папярэдне арыштаваў іх на тры месяцы. Калі шпіянаж будзе даказаны ў судзе, беларусам пагражае да 10 гадоў пазбаўлення волі.

У пракуратуры не кажуць пра асобы арыштаваных і ці легальна яны знаходзіліся ў Польшчы. Таксама не паведамляюць, у якім горадзе і як доўга арышштаваныя займаліся разведкай. 

Паведамляецца толькі, што доказы па гэтай справе збірала служба вайсковай контрразведкі. А затрымлівала беларусаў вайсковая жандармерыя.