Дырэктара віцебскай турфірмы вінавацяць па двух адміністрацыйных артыкулах
Андрэй Красько / фота з сацсетак
Дырэктара віцебскага турагенцтва Андрэя Красько будуць судзіць адразу па двух адміністрацыйных артыкулах палітычнага характару.
Яго справу будуць разглядаць 4 сакавіка ў судзе Першамайскага раёна Віцебска, піша тг-канал "Віцебск, я гуляю". Мужчыну вінавацяць у пікетаванні (ч. 1 арт. 24.23 КаАП) і распаўсюдзе экстрэмізму (ч. 2 арт. 19.11 КаАП). Хутчэй за ўсё, абодва абвінавачанні звязаныя з публікацыямі ў сацсетках.
Андрэй Красько — дырэктар кампаніі "Віцебск-МегаТур". Гэтая фірма з'яўляецца афіцыйным прадстаўніком у Віцебску буйной сеткі турагенцтваў "Гарачыя туры".
