Джып з расійска-беларускім экіпажам трапіў у аварыю на ралі "Шаўковы шлях"

8 верасня на трасе ралі-рэйду "Шаўковы шлях" адбылася аварыя з удзелам расійска-беларускага экіпажа, паведамляе "Татар-інформ". Гоначны "Mitsubishi Pajero" пад нумарам 137 пад кіраваннем Андрэя Бірукова і Дзмітрыя Кнігі перавярнуўся на трасе спецучастка 4-га этапу гонкі. Аварыя адбылася на 350-м кіламетры этапу.

У выніку аварыі пілот экіпажа Андрэй Бірукоў атрымаў раненні і быў дастаўлены на верталёце на бівуак гонкі ў Бейнеу, дзе яму аказалі медыцынская дапамога. Штурман экіпажа — беларус Дзмітры Кніга ў выніку аварыі не пацярпеў.