Дзяды ў Мінску — народнае шэсце ў Курапаты (фота)
У Беларусі адзначаюць Дзяды — свята памінання продкаў. Традыцыйна ў гэты дзень у Мінску адбываецца шэсце ў Курапаты — на месца масавых расстрэлаў. Такія шэсці ладзяцца з 1988 году, калі першая акцыя была жорстка разагнаная міліцыянтамі. У 1989 годзе ў Курапатах быў пастаўлены Крыж памяці. У апошнія гады месца савецкіх рэпрэсіяў набыло статус народнага мемарыялу. Традыцыйныя "дзядоўскія" шэсці ў Курапаты ладзіць Кансерватыўна-хрысціянская партыя БНФ.
