Дзяржсакратар ЗША: кампанія Лукашэнкі адцягвае ўвагу ад дзеянняў Расіі
Дзяржсакратар ЗША Энтані Блінкен 14 лістапада размаўляў па тэлефоне з міністрам замежных спраў Польшчы Збігневам Раў.
Пра вынікі размовы амерыканскі палітык напісаў у Твітары. Па яго словах, мігранцкі крызіс, створаны беларускімі ўладамі, адцягвае увагу ад дзеянняў Расіі на мяжы з Украінай.
"Учора я размаўляў з міністрам замежных справаў Польшчы Раў, каб пацвердзіць нашу салідарнасць перад гібрыднай кампаніяй Лукашэнкі на мяжы Польшчы і Беларусі, якая імкнецца паставіць пад пагрозу бяспеку, пасеяць раскол і адцягнуць увагу ад дзеянняў Расіі на мяжы з Украінай", — піша Блінкен.
Ён пацвердзіў, што ЗША падтрымліваюць Польшчу, і заявіў пра цынічную эксплуатацыю ўразлівых мігрантаў рэжымам Аляксандра Лукашэнкі, паведамляе прэс-служба Дзярждэпартамента.
Блінкен і Раў заклікалі Лукашэнку ліквідаваць асноўныя прычыны заходніх санкцый — парушэнне правоў чалавека і асноўных свабодаў беларускага народу.
Spoke yesterday with Polish Foreign Minister Rau to reaffirm our solidarity in the face of Lukashenka’s hybrid campaign on the Poland-Belarus border, which seeks to threaten security, sow division, and distract from Russia’s activities on the border with Ukraine.
— Secretary Antony Blinken (@SecBlinken) November 14, 2021
