ЕС працягвае працаваць над дадатковымі санкцыямі супраць Беларусі
Пагроза новых санкцый "за ўнутраную сітуацыю і падтрымку Расіі" / Карыкатура dw.com
Еўрасаюз працягвае працаваць над дадатковымі санкцыямі супраць Беларусі. Пра гэта піша ў Twitter карэспандэнт "Радыё Свабода" ў Бруселі Рыкард Ёзвяк, які спасылаецца на словы высокапастаўленага чыноўніка ЕС. Чакаецца, што санкцыі супраць афіцыйнага Мінска могуць прывесці ў адпаведнасць з санкцыямі, уведзенымі раней супраць Расіі.
"Аднак ніякага канкрэтнага рашэння на сустрэчы міністраў замежных спраў ЕС у панядзелак не будзе", — адзначае Ёзвяк.
Іншыя крыніцы паведамляюць, што новыя санкцыі супраць Расіі Еўрасаюз можа зацвердзіць да канца 2022 года. Відаць, тады ж новыя санкцыі атрымае і РБ, якую могуць пакараць "за ўнутраную сітуацыю і падтрымку Расіі".
