Еўрасаюз не стаў пераглядаць санкцыі супраць Расіі

Цяпер для адмены або перагляду санкцыяў супраць Расіі няма ніякіх падставаў, заявілі дыпламаты. Пры гэтым Еўропа працягне сачыць за сітуацыяй на Украіне, перадае РБК. У прыватнасці, чыноўнікі Еўрасаюза будуць звяртаць увагу на рэалізацыю плана па спыненні агню, які быў узгоднены падчас мінскіх перамоваў. 

На рашэнне камітэта ўжо адрэагавалі ў Маскве. Пастаянны прадстаўнік Расіі пры ЕС Уладзімір Чыжоў заявіў, што Еўрасаюз відавочна не даспеў да таго, каб выбрацца з санкцыйнай каляіны і пачаць прымаць самастойныя рашэнні, а не тыя, што ідуць у рэчышчы агульназаходняй пазіцыі. 

Фота — zn.ua