Фільм "Пад шэрым небам" Мары Тамковіч выйграў намінацыю на кінафэсце ў Гдыні
"Пад шэрым небам" / Скрыншот
Фільм "Пад шэрым небам" Мары Тамковіч выйграў у намінацыі “Найлепшы дэбют” на кінафэсце ў польскай Гдыні. Стужка распавядае гісторыю кахання беларускай журналісткі Кацярыны Андрэевай, асуджанай на 8 гадоў пазбаўлення волі, і яе мужа Ігара Ільяша.
Гран-пры на фэсце ў Гдыні заваявала “Зялёная мяжа” Агнешкі Холанд. Сюжэт стужкі пабудаваны вакол мігранцкага крызісу ў беларуска-польскім памежжы.
Тым часам серыял "Працэсы" Андрэя Кашперскага і Міхася Зуя перамог у намінацыі "Quick killer" на Міжнародным фестывалі серыялаў "Serial Killer" у чэскім Брно.
