Футбольныя зборныя Беларусі і Украіны згуляюць у Львове, а не ў Кіеве

Адборачная гульня чэмпіянату свету 2010 года паміж футбольнымі зборнымі Беларусі і Украіны адбудзецца не ў Кіеве, а ў Львове, на стадыёне "Украіна". Пра гэта паведамляе газета "Прессбол".

Нагадаем, матч прызначны на 6 верасня. Для нашай зборнай ён стартавы ў новым адборачным цыкле.

Як даведалася Еўрарадыё, у Беларускай федэрацыі футбола пакуль не маюць афіцыйнай інфармацыі ў справе пераносу месца правядзення матчу. Вось што кажа прэс-сакратар БФФ Сяргей Новыш: "Пакуль я не бычыў афіцыйных дакументаў".