G7, НАТА, Кангрэс ЗША: ці пяройдзе колькасць "занепакоенасці" ў якасць?
Інцыдэнт з пасадкай борта Ryanair у Мінску прайшоў актыўную інфармацыйную фазу. "Беларускае пытанне" ўзнятае на самы топ сусветнай палітыкі: яго абмеркавалі на саміце "Вялікай сямёркі", на саміце НАТА, на слуханнях у Кангрэсе ЗША.
Цяпер беларускія пратэстоўцы чакаюць ад заходніх палітыкаў дзеянняў. Але "калектыўны Захад", не зніжаючы градус рыторыкі, з санкцыямі па-ранейшаму не спяшаецца. А як мы ўжо засвоілі з гісторыі ўзаемаадносінаў Захаду і Беларусі, занепакоенасць можна выказваць бясконца.
Ці можа "колькасць занепакоенасці" калі-небудзь перайсці ў "якасць занепакоенасці"? І калі так, дык калі? Абмяркоўваем гэта з заснавальнікам "Сильных новостей" і Mogilev.Online, аўтарам тг-канала "Такие дела" Пятром Кузняцовым.
