Генштаб УСУ: бальніцы ў Беларусі перапоўненыя хворымі вайскоўцамі з Расіі
Расійскія вайскоўцы ў Беларусі / Міністэрства абароны
У Брэсцкай вобласці, дзе размяшчаюцца падраздзяленні Узброеных Сіл Расіі, значна ўзмацняецца сацыяльнае напружанне, паведамляе Генштаб украінскіх узброеных сіл.
— Мясцовыя бальніцы перагружаныя працай з расійскімі вайскоўцамі, якія масава хварэюць з-за нездавальняючых умоў утрымання ў намётавых мястэчках. Лекары вымушаныя адмаўляць у абслугоўванні грамадзянам Рэспублікі Беларусь, якія маюць патрэбу ў лячэнні.
Раней Генштаб УСУ паведамляў, што мабілізаваным, якія праходзяць падрыхтоўку пад Баранавічамі "выдадзена састарэлая зброя і маёмасць — металічныя шлемы ўзору Другой сусветнай вайны і сродкі абароны перыяду 60-70 гадоў мінулага стагоддзя".
