“Гібрыдная атака”: чаму для яе была абраная Літва і што ў адказ?
Штодня літоўскія памежнікі затрымліваюць дзясяткі замежнікаў, якія нелегальна спрабуюць перайсці беларуска-літоўскую мяжу. На ўсе прэтэнзіі з боку Літвы беларускі бок разводзіць рукамі: маўляў, мы тут ні пры чым. У Вільнюсе такім словам не вераць, гавораць пра гібрыдную вайну Мінска ў дачыненні да ЕС і ставяць агароджу на мяжы з Беларуссю.
Ці стала для Літвы сітуацыя з нелегальнымі мігрантамі гуманітарнай катастрофай? Ці можна казаць, што беларускі рэжым вядзе гібрыдную вайну з Літвой і ЕС? Ці працуюць санкцыі і ці гатовая Літва да эканамічных страт праз іх? На гэтыя ды іншыя пытанні адказвае эксперт літоўскага Цэнтра даследаванняў Усходняй Еўропы Максімас Мілта.
