Год таму ў Кіеве загінуў абаронца Майдана беларус Міхаіл Жызнеўскі
Яму адкрылі помнік у Кіеве. Прэзідэнт Украіны Пётр Парашэнка ўручыў бацькам Міхаіла ордэн Героя Нябеснай сотні, а ў Беларусі яны чуюць абразы.
22 студзеня споўніўся год з часу гібелі на вуліцы Грушэўскага ў Кіеве абаронцы Майдана беларуса Міхаіла Жызнеўскага. Падчас супрацьстаяння паміж дэманстрантамі і сілавікамі куля трапіла яму проста ў сэрца і прайшла навылет, Міхаіл памёр на месцы здарэння. Жызнеўскі не дажыў 4 дні да свайго 26-годдзя. Асоба стралка дакладна не вядомая.
Ураджэнец Гомельшчыны пахаваны на радзіме, у вёсцы Сцяг Працы пад Гомелем. Прэзідэнт Украіны Пётр Парашэнка ўручыў бацькам Міхаіла ордэн Героя Нябеснай сотні, а ў Беларусі яны чуюць абразы. Кажуць, што рэгулярна невядомыя апаганьваюць магілу сына.
Труну з целам Міхаіла Жызнеўскага пранеслі па цэнтры Кіева (фотарэпартаж)
Фота: Еўрарадыё, nn.by
