Група са 100 чалавек спрабавала сілай прарвацца ў Польшчу
На польска-беларускай мяжы / twitter.com/Straz_Graniczna
Група мігрантаў спрабавала напярэдадні вечарам сілай прарвацца ў Польшчу з тэрыторыі Беларусі, расказалі ў польскай Памежнай службе. Гэта была "група з больш чым 100 агрэсіўных замежнікаў".
"У польскую службу кідалі камяні", — гаворыцца ў паведамленні Памежнай службы Польшчы. Там таксама адзначылі, што "напад адбываўся пад наглядам беларускіх спецслужбаў".
На відэа, апублікаваным польскім бокам, бачныя зламаная загарода і група людзей у форме і са зброяй, якія стаяць за агароджай побач з беларускім памежным слупом.
Wczoraj tj.23.11 ok.19.00 grupa ponad 100 agresywnych cudzoziemców siłowo forsowała granicę. W służby polskie rzucano kamieniami.
— Straż Graniczna (@Straz_Graniczna) November 24, 2021
Atak odbywał się pod nadzorem białoruskich służb.#zgranicy pic.twitter.com/vGwLO5MVvb
Раней польскія памежнікі паведамлялі пра 267 спробаў парушэння мяжы, зафіксаваных за суткі. Былі выпісаныя 44 пастановы з патрабаваннем пакінуць тэрыторыю Польшчы.
Адначасова беларускі СК пачаў праверку па факце інцыдэнту на мяжы ў Камянецкім раёне 23 лістапада. Паводле версіі беларускіх следчых, людзі падышлі да загароды, "прасілі прытулку ў Польшчы, ніякай агрэсіі не праяўлялі". Польскія сілавікі са свайго боку ўжылі "слезацечны газ і выбуховыя пакеты, якія закідвалі на тэрыторыю Беларусі". Пры гэтым па медыцынскую дапамогу мігранты не звярталіся.
