Хірург, медсястра мінскай паліклінікі №7 і яе муж заразіліся COVID-19

Доктарка-хірург і медсястра, якая працавала з ёй, заразіліся каранавіруснай інфекцыяй у 7-й мінскай паліклініцы. Таксама станоўчым аказаўся вынік тэста на COVID-19 у мужа медсястры.

Медсястра хірургічнага кабінета Галіна Буян і яе муж Васіль Ваўчок лічаць, што заразіліся праз зрыў графіка генеральных прыборак у паліклініцы. 6 траўня яны накіравалі скаргу ў вышэйшыя інстанцыі.

"Усё пачалося, калі ў пачатку красавіка доктарка-хірург, з якой працавала жонка, адчула сімптомы, падобныя на сімптомы каранавіруса. Яе адправілі на трохдзённы бальнічны, аналіз не ўзялі. Пасля бальнічнага доктарка пастаянна скардзілася на галаўныя болі, хутка стамлялася. А 29 красавіка ў яе прапаў нюх. На наступны дзень у доктаркі і медсястры ўзялі аналіз на каранавірус. Абодва аказаліся станоўчымі", — расказвае Васіль Ваўчок.

Пасля гэтага 4 траўня ў галіны Буян ўзялі паўторны мазок на каранавірус. А заадно і ў яе мужа — як у кантакта першага ўзроўню. Абодва аналізы далі станоўчы вынік.

Захварэлая медсястра і яе муж просяць прыцягнуць да дысцыплінарнай і адміністрацыйнай адказнасці былых в. а. галоўнага доктара паліклінікі Падлескую і в. а. намесніка галоўнага доктара Касцян.

Хирург, медсестра минской поликлиники №7 и её муж заразились COVID-19

Галіна Буян ужо судзіцца з 7-й паліклінікай па іншых пытаннях. Яна просіць абавязаць кіраўніцтва паліклінікі палепшыць умовы, у якіх працуюць медыкі, пераразлічыць яе заробак і прызнаць несапраўднымі некалькі дысцыплінарных спагнанняў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.