Хуткасную трамвайную дарогу Мінск — Лагойск пабудуюць кітайцы
Кітайцы пабудуюць хуткасную трамвайную дарогу Мінск — Лагойск. Учора ў Мінскім аблвыканкаме прайшлі перамовы з прадстаўнікамі адной з найбуйнейшых карпарацый Кітая. Як паведамляе Першы тэлеканал, кітайскі капітал будзе ўдзельнічаць у рэканструкцыі чыгункі Мінск - Жлобін. Інвестыцыі прадугледжаны і ў будаўніцтва электрастанцый ды смеццеперапрацоўчых заводаў. Папярэдне аб'ём інвестыцый плануецца ад пяцісот мільёнаў да мільярда долараў.
