Ігар Варашкевіч стаў дзедам
У сына лідара “Крамы” нарадзілася дачка, якую думаюць назваць Аляксандрай.
Лідар гурта “Крама” Ігар Варашкевіч, якому праз месяц споўніцца 54 гады, стаў дзедам. Музыка цяпер знаходзіцца на рыбалцы, таму сам асаблівых падрабязнасцяў не ведае.
“Я запомніў толькі вагу — 3100, — усміхаецца Ігар. — А вось рост не памятаю. Нарадзілася дзяўчынка, збіраліся назваць яе Аляксандрай. Тут яны самі вырашалі, я не ўплываў на імя”.
Віншуем Ігара Варашкевіча са змяненнем статусу і жадаем выгадаваць годную замену на беларускай рок-сцэне.
Фота: budzma.org
