Каля 60% беларускіх арганізацый — нерэнтабельныя ці нізкаэфектыўныя
Каля 60% беларускіх арганізацый — нерэнтабельныя ці нізкаэфектыўныя. Пра гэта сведчаць дадзеныя афіцыйнай статыстыкі за першыя дзесяць месяцаў 2015 года.
Па выніках гаспадарчай дзейнасці за 10 месяцаў,нерэнтабельнымі аказаліся 1 663 арганізацыі, нізкі ўзровень рэнтабельнасці (да 5%) быў у 2 924 прадпрыемстваў.
БелаПАН адзначае, што паколькі статыстыкі ўлічваюць фінансавыя паказчыкі дзейнасці 7877 арганізацый, выходзіць, што нерэнтабельных ці нізкаэфектыўных больш за палову. У параўнанні з аналагічным перыядам мінулага года колькасць нерэнтабельных прадпрыемстваў вырасла на 23%.
Фота: Fotolia
