Каманда Лукашэнкі разграміла расіян

Каманда Аляксандра Лукашэнкі ўжо 12-ы раз выйграла Калядны міжнародны турнір сярод аматараў хакею. У панядзелак на "Чыжоўка-Арэне" ў фінальным паядынку беларусы разграмілі расіян — 8:5 (3:0, 4:3, 1:2). Адна шайба і дзве выніковыя перадачы на рахунку Лукашэнкі. Ён набраў на турніры 13 ачкоў.

Каманда кіраўніка дзяржавы спачатку ў матчах групы выйграла ў зборнай Міжнароднай федэрацыі хакею — 13:7 і зборнай Балтыі — 9:3, у паўфінале перамагла каманду Аб'яднаных Арабскіх Эміратаў — 10:5.