Канчатковае абвінавачанне былому намесніку кіраўніка "Белнафтахіма" Волкаву

Як інфармуе "Интерфакс-Запад", яму выстаўленае канчатковае абвінавачанне па артыкуле "атрыманне хабараў асобай, якая займае адказнае становішча". Агулам Волкаву інкрымінуецца 8 эпізодаў злачыннай дзейнасці — фактаў атрымання хабараў "ад розных суб'ектаў гаспадарання". Учора пра намесніка кіраўніка "Белнафтахіма" выказаўся Аляксандр Лукашэнка:

"Памятаеце, па Волкаву ішла гаворка. "Абаронцы", памятаеце, прэм'ер, першы віцэ-прэм'ер: "Волкаў, святы чалавек". 8 ці 11 хабараў зафіксавана тэхнічна".

Як стала вядома, на маёмасць Уладзіміра Волкава быў накладзены арышт, у тым ліку на дзве кватэры ў Мінску, гараж, аўтамабіль BMW Х5, а таксама на грашовыя сродкі — каля 100 тысяч долараў.

Крымінальную справу ўжо перадалі пракурору для накіравання ў суд.

Фота — Fotolia