Карупцыйнае злачынства расследуюць у Пінску
Крымінальная справа аб злоўжыванні ўладай ці службовымі паўнамоцтвамі распачатая ў дачыненні дырэктара дзяржаўнага аграрна-тэхнічнага каледжа.
Як паведамляе БЕЛТА, летась ён аддаў незаконнае распараджэнне аб пералічэнні на рахунак аднаго з прыватных будаўнічых прадпрыемстваў Пінска больш за 179 млн рублёў за работы, якія не выконваліся. Пры гэтым дырэктар аформіў непраўдзівыя дакументы аб правядзенні будаўніча-мантажных работ. Яму пагражае ад 3 да 10 гадоў зняволення, працягваецца расследаванне.
Фота — ria.ru