Харватыя ў чвэрцьфінале ЧС па футболе сенсацыйна перамагла Бразілію
Футбольны матч Харватыя — Бразілія / Reuters
Чарговая сенсацыя на чэмпіянаце свету па футболе ў Катары: каманда Харватыі ў чвэрцьфінале перамагла Бразілію.
Гульня ў асноўны час скончылася ўнічыю — 0:0. У дадатковы час вызначыць пераможцу таксама не атрымалася: бразільцы забілі гол першымі, але за тры хвіліны да фінальнага свістка харваты зраўнялі лік. А ў серыі пенальці харваты перамаглі — 4:2.
Сапернікам зборнай Харватыі ў паўфінале стане пераможца пары Нідэрланды — Аргентына.
