Кіраўнік “Гавары праўду” Дзмітрыеў афіцыйна абвясціў, што ідзе ў дэпутаты
Старшыня савета грамадзянскай кампаніі “Гавары праўду” Андрэй Дзмітрыеў афіцыйна абвясціў, што будзе вылучаць сваю кандыдатуру на выбарах у Палату прадстаўнікоў. Як напісаў палітык у сваім Фэйсбуку, ён ідзе на выбары, каб “у парламенце была альтэрнатыва і гучаў голас грамадзян”.
Дзмірыеў плануе балатавацца па Дзяржынскай акрузе. Сярод сваіх мэтаў ён называе прыняцце законаў, якія забяспечаць эканамічны рост у краіне, а таксама хоча дамагчыся развіцця ў Беларусі малых і сярэдніх гарадоў
Парламенцкія выбары павінны адбыцца 11 верасня. Пачатак выбарчай кампаніі могуць абвясціць на наступным тыдні.
