Крымінальная справа на мільярд супраць чыноўніка Гомельскага гарвыканкама
Пракуратура Гомельскай вобласці па матэрыялах Камітэта дзяржаўнай бяспекі распачала адразу некалькі крымінальных спраў.
Як паведамляе прэс-служба КДБ, па іх праходзяць кіраўнік аддзела па кіраванні будаўнічым комплексам і жыллёвай палітыцы Гомельскага гарвыканкама і кіраўнік камерцыйнага прадпрыемства. Яны "ў выніку незаконнага адчужэння дзяржаўнай маёмасці і яго наступнага выкарыстання не па мэтавым прызначэнні" нанеслі страты Упраўленню капітальнага будаўніцтва Гомельскага гарвыканкама на суму больш за 1 мільярд рублёў.
Нагадаем, летась быў арыштаваны старшыня Гомельскага гарвыканкама Віктар Піліпец. Адбылося гэта ў рамках расследавання крымінальнай справы аб дзейнасці таго ж камунальнага прадпрыемства.
