Курс долара ў Беларусі 10 верасня перавысіў 2 рублі 16 капеек

10 верасня на Беларускай валютна-фондавай біржы прайшлі чарговыя таргі. Па іх выніках Нацбанк вызначыў новыя курсы валют.

Курс долара павялічыўся болей чым на 1% — з 2,1389 да 2,1605 рубля, курс еўра таксама вырас, хоць і не так заўважна — з 2,4894 да 2,4977 рубля. За 100 расійскіх рублёў сёння даюць 3,0928 беларускага (у пятніцу — 3,1012).

Беларускі рубель аслабеў да кошыка валют на 0,23%.