Лідзія Ярмошына: Шмат рэферэндумаў — горш за дыктатуру
Такое меркаванне старшыня Цэнтравыбаркаму выказала ў інтэрв'ю "Комсомольской правде".
Выданне пацікавілася, ці можна выносіць на рэферэндум такія пытанні, як будаўніцтва АЭС ці продаж буйнога прадпрыемства — напрыклад, Беларуськалія. У адказ Лідзія Ярмошына заявіла: "Калі пра гэта пытаць, мы звяжам рукі ўраду. Усё адно што на прадпрыемстве праводзіць рэферэндум з нагоды таго, ці павінен дырэктар штосьці прадаваць. Не вырашае ён гэта з працоўным калектывам".
На думку старшыні ЦВК, празмерная колькасць рэферэндумаў не ідзе на карысць: "Скацімся да таго, што без усеагульнай ухвалы практычна нічога немагчыма будзе зрабіць. Гэта будзе горш за дыктатуру".
