Літоўскія памежнікі 8 сакавіка прымусілі распрануцца беларуску
У Дзень жанчын грамадзянцы Беларусі, якая ехала праз літоўскую мяжу, давялося распранацца перад літоўскімі памежнікамі, піша euroby.info.
Здарэнне адбылося на пункце пропуску Шумкас — Лоша. Легкавы аўтамабіль з беларускімі нумарамі ехаў у Літву. Цікавасць у літоўскага памежніка выклікала 23-гадовая пасажырка. Каб агледзець яе, да праверкі далучылі жанчыну-памежніцу.
Выявілася, што дзяўчына наматала вакол свайго цела калготкі з кантрабанднымі беларускімі цыгарэтамі. Яшчэ з дзясятак пачкаў яна везла пад падкладкай сумачкі, якую знарок перашыла.
